„სულ მაქვს კითხვა, რას ჭამს ეს ხალხი და როგორ იხდის გადასახადებს?“ - თამუნა მუსერიძე
თამუნა მუსერიძე “საჯარო პოლიტიკაში” საუბრობს იმ მძიმე სოციალური ყოფის შესახებ, რომელიც კორონავირუსის გამო საქართველოში შეიქმნა:
“ღარიბები უფრო ღარიბები გახდნენ და მდიდრები უფრო მდიდრები. დღეს ადამიანს, რომელსაც ორი პურის ყიდვის საშუალება ჰქონდა, ახლა ერთი ნაჭერის ყიდვის საშუალებაც არ აქვს.
სიმართლე გითხრათ, მე სექტემბერშიც აქციებზე ვიდექი და აქამდეც ველოდი სოციალურ აფეთქებას. მეგონა, ეს ხალხი აქამდეც ვერ გაძლებდა. სულ მაქვს კითხვა, რას ჭამს ეს ხალხი და როგორ იხდის გადასახადებს. ვერ ვხვდები, რას უყურებს ხალხი აქამდე. როგორ მოხდა, რომ აქამდე არ მოაწვა აგრესია და არ აფეთქდა. ალბათ, მშიერი ხალხი უფრო ადვილი სამართავია. როცა მშიერი ადამიანი ზის სახლში, ხუთ კილო კარტოფილს ვინმე თუ მიუტანს, ამისიც მადლობელია.”
