ისრაელში Pfizer-ით აცრილებში კორონავირუსის სიმპტომური შემთხვევები 94%-ით შემცირდა
ისრაელის ჯანდაცვის პროვაიდერის (Clalit) მონაცემებით, კორონავირუსის სიმპტომური შემთხვევები 94%-ით შემცირდა იმ 600 000 ადამიანს შორის, რომელმაც Pfizer-ის ვაქცინის ორივე დოზა მიიღო.
ჯანდაცვის პროვაიდერი ასევე აღნიშნავს, რომ მოქალაქეების იმავე ჯგუფში დაავადების მძიმე ფორმის განვითარების რისკი 92%-ით ნაკლები იყო.
კვლევის ფარგლებში ერთმანეთს შეადარეს ორი ერთი და იგივე ზომის ჯგუფი მსგავსი სამედიცინო ისტორიით, სადაც ერთ-ერთ ჯგუფს ვაქცინა არ მიუღია, ხოლო მეორე ორივე დოზით აიცრა.
„მონაცემები ცხადყოფს, რომ Pfizer-ის ვაქცინა კორონავირუსის წინააღმდეგ უფრო ეფექტურია მეორე დოზის მიღებიდან ორი ან მეტი კვირის გასვლის შემდეგაც“, - აღნიშნა Clalit-ის წარმომადგენელმა.