შეზღუდვები, რომლებიც საქართველოში ხვალიდან მოიხსნება
ხვალიდან, 1-ლი მარტიდან საქართველოში კორონავირუსის პანდემიის გამო დაწესებული რამდენიმე შეზღუდვის მოხსნა იგეგმება:
ბათუმში, შაბათ-კვირის გარდა, რესტორნები შიდა სივრცეებში ფუნქციონირებას განაახლებენ;
კონფერენციები და ტრენინგები შესაბამისი პროტოკოლის დაცვით განახლდება;
მუზეუმები და ბიბლიოთეკები საქმიანობას განაახლებენ;
ფუნქციონირებას აღადგენენ სკოლამდელი აღზრდის დაწესებულებები;
უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ.