საქართველოში დაბალბიუჯეტიანი ავიაკომპანია FlyArystan შემოდის
საქართველოში დაბალბიუჯეტიანი ავიაკომპანია FlyArystan შემოდის. ინფორმაციას საქართველოს აეროპორტების გაერთიანება ავრცელებს.
"პირდაპირი რეგულარული ავიარეისები ქუთაისის საერთაშორისო აეროპორტში სამი მიმართულებით - აქტაუ, ატირაუ და ნურ-სულთანი შესრულდება.
2 მაისიდან ფრენები კვირაში 2 სიხშირით ქუთაისი-აქტაუ და ქუთაისი-ატირაუს მიმართულებით შესრულდება, 4 მაისიდან კი ქუთაისი-ნურ-სულთანის მიმართულებით განხორციელდება", - აცხადებენ სააგენტოში.
ბილეთების შეძენა შესაძლებელია ვებგვერდზე: https://flyarystan.com/en
