გიგი უგულავა: ამ იწილო-ბიწილოს თამაშს სჯობს ხელისუფლება აზრიანი წინადადებებით შემოვიდეს
"აბსოლუტურად მართალია, რომ ნატოს წევრ ქვეყნებში, ნებისმიერი პოლიტიკური დებატების ადგილი არის პარლამენტი. მაგრამ არის ერთი მთავარი ასპექტი, ნატოს წევრ ქვეყნებში პარლამენტის არჩევნებს არ აყალბებენ", - ამის შესახებ პოლიტიკოსმა, გიგი უგულავამ განაცხადა.
„მოწადინებული ვართ, რომ იყოს შედეგზე ორიენტირებული დიალოგი. ჩვენ ვიხილეთ ენტონი ბლინკენის, ამერიკის სახელმწიფო დეპარტამენტის განცხადება, სადაც ორივე მხარეს მოუწოდებს. განსაკუთრებულ პასუხისმგებლობას ანიჭებენ ხელისუფლებას იმიტომ, რომ პირველ რიგში ხელისუფლებაზეა პასუხისმგებლობა კრიზისის შექმნის ან მისი განმუხტვის. ამ იწილო-ბიწილოს თამაშს, რომელსაც ხელისუფლება ეწევა, სჯობს აზრიანი წინადადებებით შემოვიდეს. გაათავისუფლოს პოლიტპატიმრები, რაც დეესკალაციას გამოიწვევს“, - განაცხადა უგულავამ.
