კანადაში რეკორდული სიცხე დაფიქსირდა
კანადაში, ქალაქ ლიტონში რეკორდული სიცხე დაფიქსირდა. თერმომეტრმა 46,6 გრადუსი აჩვენა. ამის შესახებ ადგილობრივი მეტეოროლოგიური სამსახური იტყობინება.
"ეს კანადაში მაქსიმალური ტემპერატურის რეკორდია", - განაცხადეს მეტეოროლოგებმა.
სინოპტიკოსების ცნობით, წინა რეკორდი 45 გრადუსს შეადგენდა. ეს ტემპერატურა 1937 წლის 5 ივნისს, ქალაქ იელოუ გრასში დაფიქსირდა.
ექსპერტები ტემპერატურის ასეთ მკვეთრ მატებას კლიმატის ცვლილებასთან აკავშირებენ. ისინი მოსახლეობას მოუწოდებენ, ქუჩაში გასვლისგან თავი მაქსიმალურად შეიკავონ.
