"მაძალებენ, თავი მოვიკლა" - როგორ მოექცნენ არაბ სტუმარს კახეთში
ჟურნალისტი, ბექა ყორშია სოციალურ ქსელში სახალისო ისტორიას წერს, რომელიც კახეთში მყოფ არაბს გადახდა.
"ღამის ორი ხდება და ჩემი არაბი მეგობარი მირეკავს:
- ბიქა, კახეთში ვარ, რაღაც სუფრაზე მოვხვდი და ვიღაც მთვრალი ხალხი მოკვლას მიპირებს... უფრო სწორად, მაძალებენ, თავი მოვიკლა.
- რა ?
- მაძალებენ, თავი მოვიკლა. - ჩურჩულით მეუბნება.
- რაედ, კარგად ამიხსენი, რა ხდება. რას ჰქვია თავის მოკვლას გაძალებენ ?
- ხო, იარაღს მიწვდიან და რაღაცებს მიყვირიან...
როგორც 5 წუთში გავარკვიე, თოფის ლულიდან დალევას აძალებდნენ", - წერს ბექა ყორშია.
