დღეიდან უწყვეტი მდუმარე აქციები "გადადექი" იწყება
„გადადექი“ - ამ მოთხოვნით აქციები დღეიდან ყოველ საღამოს გაიმართება. მოძრაობა “ტალღას” წევრები და აქციის მონაწილეები დღეს საკრებულოს შენობასთან, თავისუფლების მოედანზე, 19:00-ზე შეიკრიბებიან.
“შეიქმნა Facebook-ის ჯგუფი “ტალღა” და ნებისმიერ მსურველს შეუძლია, გაერთიანდეს. ეს არის თვითორგანიზებული აქციები. მოთხოვნა იქნება ხელისუფლების გადადგომა, თუმცა გადადგომასთან ერთად აუცილებალად ვიმსჯელებთ, რა გვინდა გადადგომის შემდეგ. ძალიან მტკიცე დგომით უნდა გავაგდოთ ქართული ოცნება”,- ამბობს ნატა ფერაძე და დასძენს, რომ აქციის ორგანიზატორები პროტესტს იქამდე გააგრძელებენ, ვიდრე მოთხოვნა არ დაკმაყოფილდება.
