"სადღაც კილომეტრის დისტანციაზე ჩამოვარდა ბომბი.აფეთქება მოხდა და უცებ დავიბენი" - ილია ხუციშვილი (ვიდეო)
კალათბურთელმა, ილია ხუციშვილმა, „რუსთავი 2“-ის გადაცემაში „ღამის პრაიმთაიმი“ უმძიმესი ისტორია გაიხსენა, რომელიც ომის დროს გადახდა.
„პირველი მოგონებაა ბომბის აფეთქება, სადღაც კილომეტრის დისტანციაზე ჩამოვარდა ბომბი. აფეთქება მოხდა და უცებ დავიბენი არ ვიცოდი რა უნდა მექნა. მერე უკვე ოჯახთან ერთად გავაანალიზე რომ ომი დაიწყო. ამ ბომბის ჩამოვარდნის მერე, ფილმებში, როგორც ხდება წამიერად გონებას რომ კარგავ, ზუსტად ასე მოხდა. ერთი კვირის განმავლობაში საერთოდ ვერ ვმეტყველებდი, მერე პერიოდულად ვიწყებდი, მერე ისევ მექმნებოდა პრობლემები და ასე წლების განმავლობაში ასე მოვედი“, - ამბობს ილია ხუციშვილი.
