ჯო ბაიდენი "ლენდ ლიზის" კანონს ხელს 9 მაისს მოაწერს
აშშ-ის პრეზიდენტი, ჯო ბაიდენი "ლენდ ლიზის" კანონს ხელს 9 მაისს მოაწერს.
კანონის თანახმად, კიევი ვაშინგტონისგან შეუზღუდავად და ყოველგვარი ბიუროკრატიული დაბრკოლებების გარეშე მიიღებს იარაღს, ტექნიკას და ჰუმანიტარულ დახმარებას.
ცნობისთვის, "ლენდ-ლიზი" - ეს არის ამერიკის შეერთებული შტატების სახელმწიფო პროგრამა, რომელიც მეორე მსოფლიო ომის დროს შეიქმნა. მის ფარგლებში ვაშინგტონი ამარაგებდა გაერთიანებულ სამეფოს, საბჭოთა კავშირს, ჩინეთს, საფრანგეთს და სხვა მოკავშირე სახელმწიფოებს დიდი რაოდენობით საბრძოლო მასალით, იარაღით, სურსათით და სტრატეგიული ნედლეულით მეორე მსოფლიო ომის დროს. პროგრამა დაიწყო 1941 წლის მარტში, ომის დაწყებიდან 18 თვის შემდეგ.
მიიჩნევა, რომ ეს იყო პროგრამა, რომელმაც მაშინ მოკავშირე ქვეყნებს ნაციზმზე გამარჯვების შესაძლებლობა მისცა.