ამჟამად ხელოვნურ კომაშია - რას ამბობს დაშავებული პარაპლანისტის ადვოკატი?
გუდაურში პარაპლანით დაშავებული პირის ადვოკატი დავით ციცქილაძე აცხადებს, რომ მისი დაცვის ქვეშ მყოფი ხელოვნურ კომაშია.
"დღესაც ჩაუტარეს ოპერაცია და ფეხიდან კლდის ფრაგმენტი ამოუღეს. ამჟამად ხელოვნურ კომაშია, თუმცა მის სიცოცხლეს, ამ ეტაპზე, საფრთხე არ ემუქრება. ჩვენ გამოძიებას ინფორმაციას მივაწოდებთ პარაპლანის უბედურ შემთხვევასთან დაკავშირებით. მართალია, ამ შემთხვევის დროს ნუგზარ რაზმაძე შეესწრო თვითმფრინავის ვარდნასაც, თუმცა რაიმე ღირებული ინფორმაცია ჩვენ ამ შემთხვევასთან დაკავშირებით არ გაგვაჩნია“, - აცხადებს ადვოკატი დავით ციცქილაძე.
