სოჭში პუტინსა და ერდოღანს შორის შეხვედრა მიმდინარეობს
სოჭში რუსეთის პრეზიდენტი ვლადიმერ პუტინი თურქეთის პრეზიდენტ რეჯეპ ტაიპ ერდოღანს ხვდება. შეხვედრის დაწყებამდე პუტინმა მედიასთან თურქეთის გავლით ევროკავშირისთვის გაზის მოწოდების საკითხზე ისაუბრა.
მისი თქმით, Turkish Stream-ის გაზსადენი შეუფერხებლად მუშაობს და დღეს ის ევროპისთვის გაზის მიწოდების ერთ-ერთი ყველაზე მნიშვნელოვანი წყაროა. პუტინს მიაჩნია, რომ ევროპელები ამისთვის თურქეთის მიმართ მადლიერები უნდა იყვნენ. ცნობისთვის, Turkish Stream-ი შავ ზღვაზე გამავალი გაზსადენია, რომლითაც თურქეთი და სამხრეთ ევროპა რუსულ გაზს იღებენ.
შეხვედრაზე ერთ-ერთი მთავარი საკითხი ასევე უკრაინიდან მარცვლეულის ექსპორტია, რომელიც რუსეთის მიერ ბლოკირებული პორტების გავლით უნდა განხორციელდეს.