რუსეთის აგრესიას უკრაინაში 361 ბავშვი ემსხვერპლა
უკრაინაში რუსეთის შეჭრის შემდეგ, რუსულ სამხედრო აგრესიას 361 ბავშვი ემსხვერპლა, 702-ზე მეტი კი დაშავდა - ინფორმაციას უკრაინის გენპროკურატრა ავრცელებს.
უწყების ცნობით, ყველაზე მეტი ბავშვი დაზარალდა დონეცკის რეგიონში - 371, ხარკოვის ოლქში - 197, კიევის ოლქში - 116, ჩერნიგოვის ოლქში - 68, ლუგანსკის ოლქში - 61, ნიკოლაევის ოლქში - 58, ხერსონის ოლქში - 55, ზაპოროჟიეს ოლქში - 40.
რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 2 211 სასწავლო დაწესებულება, საიდანაც 230 სრულად განადგურდა.
აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.
