აშშ უკრაინას 4,5 მილიარდი დოლარის დამატებით დახმარებას გაუწევს
ამერიკის შეერთებული შტატები უკრაინის მთავრობას დამატებით 4,5 მილიარდ დოლარს გადასცემს.
საერთაშორისო განვითარების სააგენტოს (USAID) ინფორმაციით, პირველი ტრანში 3 მილიარდი დოლარი აგვისტოში იქნება.
თანხები გამიზნულია უკრაინის მთავრობის ძირითადი ფუნქციების შესანარჩუნებლად, მათ შორის მოსახლეობის, შეზღუდული შესაძლებლობის მქონე ბავშვებისა და მილიონობით იძულებით გადაადგილებული ადამიანის სოციალური და ფინანსური დახმარების უზრუნველსაყოფად.
აშშ-ის დახმარება კი 2022 წლის თებერვლიდან დღემდე 8,5 მილიარდ დოლარამდე მიაღწევს.