"უკრაინელი ჯამბაზის შემდეგ კიდევ ერთი ნაცისტური სისულელე რუსეთის მოქალაქეებზე ესტონელმა დეიდამ თქვა“ - დიმიტრი მედვედევი ესტონეთის პრემიერზე
რუსეთის ფედერაციის უშიშროების საბჭოს თავმჯდომარის მოადგილე, დიმიტრი მედვედევი ესტონეთის პრემიერ-მინისტრის, კაია კალასის სიტყვებს სოციალურ ქსელში ეხმაურება.
"უკრაინელი ჯამბაზის შემდეგ {ვოლოდიმირ ზელენსკი} კიდევ ერთი ნაცისტური სისულელე რუსეთის მოქალაქეებზე ესტონელმა დეიდამ თქვა: „ევროპაში ვიზიტი პრივილეგიაა და არა ადამიანის უფლება“. მინდა, შევახსენო მას სხვა სიტყვები: „ის, რომ შენ თავისუფალი ხარ, შენი დამსახურება კი არა, ჩვენი ნაკლია“, - წერს მედვედევი.
შეგახსენებთ, ესტონეთის პრემიერ-მინისტრმა, კაია კალასმა განაცხადა, რომ რუსეთის მოქალაქეებისთვის საზღვრები უნდა ჩაიკეტოს.