უკრაინის კონტრშეტევა ეფექტიანია, თუმცა ეს ომის დასრულებას არ ნიშნავს - იენს სტოლტენბერგი
ნატოს გენერალურმა მდივანმა. იენს სტოლტენბერგმა განაცხადა, რომ მიუხედავად უკრაინის წარმატებული კონტრშეტევისა ომის ჯერ დასრულებული არაა.
"რა თქმა უნდა, ძალიან გამამხნევებელია იმის დანახვა, რომ უკრაინის შეიარაღებულმა ძალებმა შეძლეს ტერიტორიის უკან დაბრუნება და, ასევე, რუსული ჯარების უკან დახევა.
თუმცა, ამავდროულად უნდა გვესმოდეს, რომ ეს არ არის ომის დასასრულის დასაწყისი, ჩვენ მზად უნდა ვიყოთ გრძელვადიან პერსპექტივაში“, - აცხადებს ნატოს გენერალური მდივანი.
