თავდასხმა ჰაიტიზე | ერთ-ერთ ქალაქში შეიარაღებულმა პირებმა 70 ადამიანი მოკლეს
ჰაიტიზე, ერთ-ერთ ქალაქში შეიარაღებულმა პირებმა სულ მცირე 70 ადამიანი მოკლეს. ინფორმაცია უცხოურ მედიაში ვრცელდება. მომხდარმა ქალაქში მასშტაბური პანიკა გამოიწვია. 6 ათასზე მეტი ადამიანი იძულებული გახდა სახლებიდან გაქცეულიყო.
შეიარაღებულებმა დაწვეს ათობით სახლი და მანქანა. ადგილობრივი ხელისუფლების წარმომადგენლების განცხადებით, ეს არის ერთ-ერთი ყველაზე მასშტაბური თავდასხმა ბოლო წლების განმავლობაში, მთელი კარიბის ზღვის ქვეყნების მასშტაბით.
ეროვნული პოლიციის სპიკერის ინფორმაციით, ქალაქში სიტუაციას უსაფრთხოების ძალები აკონტროლებენ.
