„პედაგოგი რომელიც ინტერვიუში ჩანს, არ არის ჩვენი სკოლის მასწავლებელი“ - 131-ე სკოლის დირექტორი განცხადებას ავრცელებს

რას ემსახურება ეს სიუჟეტი არ ვიცი! - 131-ე საჯარო სკოლის დირექტორი ადელინა ენუქიძე სოციალურ ქსელში განცხადებას ავრცელებს. მისი თქმით, მაია ეკალაძე, რომელიც ტვ პირველის ერთ-ერთ სიუჟეტში ჩანს, 131-ე სკოლაში არ ასწავლის და სკოლის ეზო უნებართვოდ გამოიყენა.

გუშინ ტვ პირველზე გავიდა სიუჟეტი, როგორც ყოველთვის სიცრუის დემონსტრირებით, სიუჟეტი, რომელიც ეხებოდა პედაგოგებს და პედაგოგი რომელიც ინტერვიუში ჩანს არ არის ჩვენი სკოლის მასწავლებელი, მან უნებართვოდ გამოიყენა სკოლის ეზო, თუმცა როგორც კი შევნიშნეთ დავატოვებინეთ სკოლის ტერიტორია, თუმცა მიმდებარე ტერიტორია და სკოლის აბრა მაინც ისე აჩვენეს, თითქოსდა 131-ე სკოლის პედაგოგია, საკლასო ოთახიც არ არის ჩვენი სკოლის, რას ემსახურება ეს სიუჟეტი არვიცი! ალბათ ბევრი იცნობს ამ პედაგოგს მიმდებარე დასახლებაში და თემში და დამეთანხმებიან რომ არ მუშოაბს  ჩვენს სკოლაში! - წერს ადელინა ენუქიძე.