„ვინ თქვა, ქართველებს ერთიანობა აკლიაო? მიუხვედრელობაში ხომ მაინც ვართ ერთიანნი“ - ივდით კუხიანიძე
ფილოლოგი და პედაგოგი ივდით კუხიანიძე სოციალურ ქსელში წერს:
„ერთი ქართველი ექსპერტი წერს სტატუსს მიმდინარე მოვლენებზე და ამბობს, რომ საქართველო მხარეა, ოღონდ ვისი მხარეა, არ წერს.
შეესივნენ მკითველები :
-- ვისი მხარეა?
-- ვის გულისხმობთ?
და პასუხი:
" თუ ვერ მიხვდით , ეს თქვენი პრობლემაა"!
მერე ვიღაცამ იკითხა:
- მე კი მივხვდი, ვისი მხარეა, მაგრამ რატომ არის მხარე, ამას ვერ მივხვდი .
ექსპერტის პასუხი:
- ქვემოთ მიწერია.
ერთი ნაწილი ამ ტიპს შევესიეთ, მეორე ნაწილი -- ქვემოთა კომენტარებს, მაგრამ ტიპი გაქრა, ხოლო ქვემოთ არსად არაფერი ეწერა!
ვიღაცამ ისევ გაბედა:
- არ წერია და სად ვნახოთ?
ექსპერტის პასუხი:
- ზემოთ წერია!
ავყევით ზემოთ-- შენც არ მომიკვდე-- არსად არაფერი !
მერე ისევ იკითხა ვიღაცამ:
- ბატონო იმანო, არც ქვემოთ წერია და არც ზემოთ! სად შეიძლება ვნახოთ?
პასუხი:
- პოსტში წერია!
კიდევ ერთხელ გადავიკითხეთ პოსტი ყველამ, მაგრამ მაინც ვერაფერს მივხვდით და ერთმა ისევ დაწერა:
- ვერ გავიგე და მითხარით, თუ შეიძლება?- ყელი გამოიგლიჯა...
და პასუხი:
- ეგ თქვენი პრობლემაა!
დავიღალეთ ზემოთ - ქვემოთ სირბილით და პოსტის კითხვით, ის ტიპიც აღარ გამოჩნდა, აი, რომ მიხვდა, თვალებიც ამოგვიღამდა, მაგრამ მაინც ვერაფერს მივხვდით და ბოლოს " ჩვენი პრობლემა" ასე გადავჭერით:
- საქართველო ულამაზესი მ ხ ა რ ე ა !!!
პ.ს. ვინ თქვა, ქართველებს ერთიანობა აკლიაო?
მიუხვედრელობაში ხომ მაინც ვართ ერთიანნი და კიდევ იმაში, რომ ბუნდოვნად ვწეროთ და, ჰო, კიდევ იმაში, საქართველო რომ ულამაზესი მხარეა???“ - წერს ივდით კუხიანიძე.
