ისრაელმა თავის სამხედროებს აზერბაიჯანისა და საქართველოს დატოვება მოსთხოვა
ისრაელის თავდაცვის ძალებმა (IDF), ირანის საფრთხის გამო, თავის ჯარისკაცებს აზერბაიჯანსა და საქართველოში დარჩენა აუკრძალა. ამის შესახებ სახელმწიფო ტელერადიოკომპანია Kan-ი იტყობინება.
ისრაელის თავდაცვის ძალების სარდლობის განცხადების მიხედვით, სამხრეთ კავკასიის ამ ორ ქვეყანაში სამხედრო სამსახურში მყოფი ისრაელელები დაუყოვნებლივ უნდა დაბრუნდნენ ისრაელში.
მედიასაშუალება აღნიშნავს, რომ საქართველო და აზერბაიჯანი ირანთან ახლოს მდებარეობს, სადაც ირანელების მნიშვნელოვანი რაოდენობა ცხოვრობს და აზერბაიჯანი ასევე იზიარებს საზღვარს ამ ისლამურ რესპუბლიკასთან.
მანამდე, ისრაელის თავდაცვის ძალების სპიკერმა დანიელ ჰაგარიმ განაცხადა, რომ ჯარები უნდა იმყოფებოდნენ "სიფხიზლის გაზრდილ დონეზე" ირანის შესაძლო თავდასხმის გამო.
