ისრაელის ქნესეთში საქართველოს პარლამენტთან მეგობრობის ჯგუფი შეიქმნა
ისრაელში საქართველოს ელჩის, ლაშა ჟვანიას ინფორმაციით, ქნესეთში საქართველოს პარლამენტთან მეგობრობის ჯგუფი შეიქმნა.
"ისრაელის ქნესეთში იმიგრაციის და დიასპორის კომიტეტის თავმჯდომარის, დავიდ ბიტანის ხელმძღვანელობით საქართველოს პარლამენტთან მეგობრობის ჯგუფი შეიქმნა. ჯგუფში ჩვენი ქვეყნის დიდი ხნის მეგობარი და მეგობრობის მსურველი პარლამენტარები იქნებიან. ქნესეთის წევრები - რამ ბენ ბარაკი, მატან კაჰანა და იოელ რაზვოზოვი ამ ჯგუფს შეურთდებიან.
ისრაელის და საქართველოს პარლამენტების ურთიერთობას ყოველთვის მნიშვნელოვანი ადგილი ეკავა ორ ქვეყანას შორის ურთიერთობაში", - წერს ლაშა ჟვანია..
