აშშ-ში კორონავირუსის 250 000-ზე მეტი ახალი შემთხვევა გამოვლინდა და 3 784 ადამიანი დაიღუპა
აშშ-ში ბოლო 24 საათის განმავლობაში კორონავირუსის 250 000-ზე მეტი ახალი შემთხვევა გამოვლინდა და ინფიცირებულთა საერთო რაოდენობამ 17 მილიონს მიაღწია, - ამის შესახებ ინფორმაციას მედია „ჯონს ჰოპკინსის უნივერსიტეტზე“ დაყრდნობით ავრცელებს.
ამასთან, ქვეყანაში ვირუსს კიდევ 3 784 ადამიანის სიცოცხლე ემსხვერპლა და დაღუპულთა რიცხვი 307 291-მდე გაიზარდა. აღსანიშნავია, რომ აშშ-ში ამჟამად 113 000-მდე კოვიდინფიცირებულია ჰოსპიტალიზებული.
შეგახსენებთ, აშშ-ში Pfizer-სა და BioNTech-ის მიერ შექმნილი ვაქცინის გამოყენებით მოსახლეობის ვაქცინაციის პროგრამა მიმდინარეობს. ქვეყანა კვირის ბოლომდე ვაქცინის კიდევ 2.9 მილიონ დოზას ელოდება.
