"სამწუხაროდ, არჩევნები მოვიგეთ..."- ხუხაშვილი ივანიშვილთან დაპირისპირების დეტალებს ყვება
ანალიტიკოსი გია ხუხაშვილი ბიძნა ივანიშვილთან ურთიერთობას იხსენებს. მისი თქმით, ის ივანიშვილს იმ პირობით ეთანამშრომლებოდა, რომ არჩევნების დასრულებისთანავე განზე გადგებოდა.
"პირველი ნაბიჯები ნამდვილად მე გადავდგი კოალიციის ფორმირებაში. შემდეგ ვიფიქრე, კულისებში ყოფნა სწორი აღარ იქნებოდა და საჯაროდ ჩავერთე საქმეში. დღეს აღარავის ახსოვს და შეთქმულების თეორიებს აწყობენ, მაგრამ მე მაშინვე ვთქვი, რომ არჩევნების დასრულებისთანავე გავდგებოდი განზე. სამწუხაროდ, არჩევნები მოვიგეთ. ჩემი ერთ-ერთი ყველაზე დიდი შეცდომა ის იყო, რომ დროულად ვერ მოვახერხე განზე გადგომა,”- განაცხადა ხუხაშვილმა.
ხუხაშვილმა ივანიშვილსა და მას შორის დაპირისპირების მიზეზეც ისაუბრა და განაცხადა, რომ მიუხედავად მადლიერებისა, ბიძინა ივანიშვილი მისთვის მნიშვნელოვან და შეუფასებელ ღირებულებებს აზიანებს, ამიტომ იძულებულია აკრიტიკოს.
წყარო:newpost.ge