რესტორნების პროტესტი - რომელი კვების ობიექტები გათიშავენ მიწოდების სერვისს?

რესტორატორთა ასოციაციის ინფორმაციით, 80-მდე რესტორანი შაბათს, 30 იანვარს, ბოიკოტის ნიშნად, 24 საათით, მიწოდების სერვისს გათიშავს.

პარალელურად, ასოციაცია 15:00 საათზე მშვიდობიან საპროტესტო აქციას შეუერთდება, რომელიც მთავრობის ადმინისტრაციასთან არის დაგეგმილი.

„ლოქდაუნის გამო ქვეყანა სოციალური აფეთქების ზღვარზეა მისული. კოტრდება ბიზნესები. სუფევს ტოტალური უმუშევრობა. პრობლემების დაძლევის ქმედითი ნაბიჯები არ ჩანს. ვინაიდან ქვეყნის ხელისუფლება არასათანადოდ აფასებს არსებულ პრობლემებს, და ნიშნის მოგებით გვახსენებს, რომ გატანის სერვისით შეგვიძლია სარგებლობა, ჩვენ პროტესტის მიზნით, ერთი დღით უარს ვამბობთ გატანის და ონლაინ სერვისებით სარგებლობაზე!

15:00 საათზე ვუერთდებით მშვიდობიან საპროტესტო აქციას სახელმწიფო კანცელარიის წინ. იმედს ვიტოვებთ, რომ მოსახლეობა გაგებით მოეკიდება ჩვენს ნაბიჯს, რაც უკიდურესი სასოწარკვეთილებითაა გამოწვეული“, - აღნიშნულია რესტორატორთა განცხადებაში.

რესტორნები, რომლებიც ბოიკოტს უერთდებიან:

1. შავი ლომი
2. ტაკერია
3. ხაშერია
4. ლეგატო
5. ქეთო და კოტე
6. კერა
7. წისქვილი ჯგუფი
8. მეგრული სახლი
9. სტეიკ ჰაუსი
10. ზ10
11. ხამანწკა ბარი
12. სულიკო
13. თონე
14. ბარბარესთან
15. ლუდის სახლი ვარაზი
16. ლუდის ბაღი ვარაზი
17. ბლექ დოგი
18. მულენი
19. Number 8 Brewery & Bars
20. ზაზანოვა
21. woodstok
22. Respublika Grill Bar
23. ბადიაშატროვანი
24. ბიკენტიას საქაბაბე
25. მარანი
26. მარანი ჰოლი
27. ბურგერკლასიკო
28. შტელცეა სახლი
29. კაფე დისქავერი
30. დოლჩე დი პარადიზო
31. მწვანე ტერასა
32. ღვინის ბარი საფერე
33. რაჭის უბანი
34. ჩიქენ გაიზ
35. ვერიკო
36. ეისიდისი
37. მელნიკოვის დუქანი
38. ბურგერ ჰაუსი
39. სალობიე ბია
40. ჯი.ვინო
41. Coffee LAB
42. ეკლერ დე ჟენი
43. გაგრა
44. ბარი ქიქოძე
45. შემოიხედე გენაცვალე
46. პომიდორისიმო
47. საბადურები
48. სტრადა
49. ქენდი
50. თავადური
51. კუდები
52. ხინკლის სახლი ივერიონი
53. კალინა
54. ბინა 37
55. გალა
56. ტერა ვაინი
57. დარაბები
58. მზიურის კაფე
59. ჩაის სახლი
60. მაესტრო
61. ლინვილი
62. კახელები ბელიაშვილზე
63. კახელები (ლილო)
64. Prospero’s Cafe
65. რესტორანი ზალა
66. პიანი ბაზარი
67. წიბახა გეიმ ქლაბი
68. სახელოსნო ბარი
69. სესილია
70. ჯაზზ როკ კაფე
71. დედაენის ბარი
72. ბარი მაკულატურა
73. ბარი ათონელი
74. Barbar’a Gastro Bar
75. ბაბალე
76. ჩაბას ჯაზ როკ კაფე.

შეგახსენებთ, ამ დრომდე უცნობია როდის შეეხება სარესტორნო სფეროს შეზღუდვების შემსუბუქება. მთავრობის ეკონომიკურ გუნდს ბიზნესის წარმომადგენლები 26 იანვარს შეხვდნენ და მიუხედავად იმისა, რომ დეტალურად განუმარტეს, როგორ აპირებენ რეგულაციების დაცვით, მათი სფეროების ამუშავებას, ხელისუფლებისგან მაინც უარი მიიღეს.

1 თებერვლიდან მთავრობის გადაწყვეტილებით, მხოლოდ სავაჭრო მოლები იხსნება (შაბათ-კვირის გარდა), ხოლო რესტორნებზე შეზღუდვა კვლავ ძალაში რჩება.