12 წლის მოზარდმა ბებია მძარცველებისგან გადაარჩინა
აშშ-ში 12 წლის ბიჭმა თავისი ბებიის სახლში შეჭრილ მძარცველებს ესროლა. ამის შესახებ CNN-ი იტყობინება.
ტელეარხის ცნობით, შემთხვევა ჩრდილოეთი კაროლინაში, ქალაქ გოლდსბოროში მოხდა. ორი ნიღბიანი კაცი 73 წლის ლინდა ელისის სახლში ღამის პირველ საათზე შევიდა, ქალს ფულს სთხოვდნენ, შემდეგ კი ერთ-ერთმა მათგანმა ლინდას ესროლა.
ამის შემდეგ, ლინდას 12 წლის შვილიშვილმა მძარცველებს ცეცხლი გაუხსნა და ერთ-ერთი მათგანი, 19 წლის მოზარდი დაჭრა. მოგვიანებით ის საავადმყოფოში გარდაიცვალა. პოლიციაში აცხადებენ, რომ ბავშვს ბრალდებას არ წაუყენებენ, რადგან ის თავს იცავდა.
კლინიკაში გადაიყვანეს ლინდა ელისიც. მის ჯანმრთელობას არაფერი ემუქრება.
