ინგლისის ბანკმა ახალი ბანკნოტი გამოუშვა
ინგლისის ბანკმა 50 გირვანქა სტერლინგის ახალი ბანკნოტი გამოუშვა. მასზე ცნობილი მათემატიკოსი და კრიპტოგრაფი ალან ტიურინგია გამოსახული. მიმოქცევაში ახალი ბანკნოტი 23 ივნისს, მეცნიერის დაბადების დღეს შევა.
ტიურინგი ინგლისის უახლეს ისტორიაში გამორჩეული ფიგურაა. მეორე მსოფლიო ომის დროს ის დაზვერვას გერმანელების კოდირებული შეტყობინებების გაშიფვრაში ეხმარებოდა. ომის შემდეგ ტიურინგი ჰომოსექსუალიზმის ბრალდებით დააკავეს და ქიმიური კასტრაცია ჩაუტარეს. განაჩენის აღსრულებიდან ორი წლის შემდეგ მან სიცოცხლე თვითმკვლელობით დაასრულა.
