კახა კალაძის კანდიდატურაც განიხილება, ავწონ-დავწონით სიტუაციას.. - ვოლსკი
"ქართული ოცნების" დეპუტატი, გია ვოლსკი, მედიასთან პირველ კომენტარს აკეთებს თუ ვინ იქნება 2021 წლის თვითმმართველობის არჩევნებზე მერობის კანდიდატი.
როგორც ვოლსკი განმარტავს, უმრავლესობაში მიდის მსჯელობა - მისივე თქმით, ქალაქის მოქმედი მერი, კახა კალაძე , ერთ-ერთია მათ შორის, ვინც მერობის კანდიდატად განიხილება.
"უმრავლესობაში, რასაკვირველია, მიდის მსჯელობა. გიდასტურებთ, კახა კალაძის კანდიდატურაც განიხილება მათ შორის. თუმცა, კიდევ ერთხელ ხაზს ვუსვამ, რომ ამ თემასთან დაკავშირებით ვრცელი კომენტარები და განცხადებები გვექნება უმოკლეს პერიოდში, როდესაც გუნდის ყველა წევრი იქნება შეთანხმებული, ავწონ-დავწონით სიტუაციას, შევაფასებთ შექმნილ ვითარებას", - აცხადებს ვოლსკი.
