უკრაინის პარლამენტი აშშ-ის კონგრესს მოუწოდებს, „ჩრდილოეთის ნაკადი-2“-ის პროექტის მშენებლობის შესაჩერებლად ყველა ინსტრუმენტი გამოიყენოს
უკრაინის პარლამენტი აშშ-ის კონგრესს მოუწოდებს, გაზსადენ „ჩრდილოეთის ნაკადი-2“-ის მშენებლობის ყველა მონაწილის წინააღმდეგ სანქციების დასაწესებლად ყველა ინსტრუმენტი გამოიყენოს.
„უმალესი რადა წარმომადგენელთა პალატასა და სენატს მოუწოდებს, აშშ-ის კანონმდებლობით გათვალისწინებული ყველა ინსტრუმენტი გამოიყენოს „ჩრდილოეთის ნაკადი-2“-ის პროექტის მშენებლობის შეუქცევადი შეჩერებისთვის“, - ნათქვამია უკრაინის პარლამენტის განცხადებაში.
უკრაინის პარლამენტში აღნიშნავენ, რომ გაზსადენი რუსეთის გეოპოლიტიკური პროექტია.
აშშ-ის სახელმწიფო მდივანმა, ენტონი ბლინკენმა განაცხადა, რომ „ჩრდილოეთის ნაკადი-2“-ის ოპერატორისა (Nord Stream 2 AG) და მისი აღმასრულებელი დირექტორისთვის, მატიას ვარნიგისთვის სანქციების გაუქმება აშშ-ის ეროვნულ ინტერესებს პასუხობს.
„რესპუბლიკელი“ სენატორები „ჩრდილოეთის ნაკადი-2“-ის წინააღმდეგ სანქციების აღდგენას ითხოვენ.
