"გთხოვთ, თუ მსგავს პოსტს სადმე ნახავთ, ვინც აცხადებს, რომ გიორგი... აცნობეთ პოლიციას" - რატომ მიმართავს გიორგი ღოღობერიძე საზოგადოებას?
ექიმი გიორგი ღოღობერიძე საზოგადოებას სოციალურ ქსელში თხოვნით მიმართავს:
"არ ვიცი, რამდენჯერ დავწერო, მაგრამ კიდევ ერთხელ მინდა ვთქვა, რომ:
- მე თანხის შეგროვება არასოდეს მითხოვია, არც ვითხოვ და არც მოვითხოვ
- გთხოვთ, თუ მსგავს პოსტს სადმე ნახავთ, ვინც აცხადებს რომ გიორგი თანხას კრებსო, აუცილებლად გააპროტესტოთ კომენტარებში და აცნობოთ პოლიციას.
და კიდევ, ფბ-ზე მე არც ერთი ჯგუფი არ მაქვს და არც ერთი ის ჯგუფი/პროფილი/გვერდი ჩემი არ არის!
- არც სადმე ვწერ წერილობითად რჩევებს! ბევრი ისეთი პოსტი მხვდება, რომელიც თითქოს ჩემ მიერ არის დაწერილი, მაგრამ რეალობაში მე ისინი არ დამიწერია", - წერს ღოღობერიძე ფეიაბუქზე.
