რუსეთში ვერტმფრენის კატასტროფას 3 ადამიანი ემსხვერპლა
რუსეთის ლენინგრადის ოლქში „მი-8“ ტიპის ვერტმფრენის ჩამოვარდნას სამი ადამიანი ემსხვერპლა. ამის შესახებ rbc.ru იუწყება.
ვერტმფრენი „როსგვარდიას“ ეკუთვნოდა. უწყების ინფორმაციით, საჰაერო ხომალდი საწვრთნელ ფრენას ახორციელებდა და მის ბორტზე შეიარაღება არ იყო.
კატასტროფის მიზეზი უცნობია. ინციდენტის დეტალების შესასწავლად ადგილზე „როსგვარდიის“ კომისია გაემგზავრა.
