"ძალიან ცუდად ვარ...საკუთარი თავი მეზიზღება ამ სიტუაციაში..მასწავლე, როგორ ვიცხოვრო აწი უშენოდ" - თამარ ივერს დედა გარდაეცვალა
ქართველ სოპრანოს, თამარ ივერს დედა გარდაეცვალა. სამწუხარო ინფორმაციას მომღერალი სოციალურ ქსელში ავრცელებს:
"დედა!!!!! ძალიან ცუდად ვარ!!! რატომ დამტოვე ასე "მუხთლად" ასეთ მომენტში??? მკვდარი ვარ!!! თურმე აქამდე მიმალავდა მეუღლე,მაგრამ შემთხვევით მოვისმინე მისი "კონსპირაციული საუბარი" დაკრძალვის დეტალებზე.
ავსტრიაში,კონცერტის დღეს!!!!! და ამ ამბის გაგების მერე....უნდა გავიდე და ვიმღერო!!!!!!! არ მოგესმათ ხალხნოო.....ვიიი მღეეეე როოოო!!!!! რომ არ ჩავაგდო კონცერტი! საკუთარი თავი მეზიზღება ამ სიტუაციაში, ვხედავ რომ ცხოვრება მორიგ სასტიკ გამოცდას მიწყობს ნერვების ომით,მაგრამ ეს გამოცდა ისე უნდა გადავლახო,როგორც ისევ ჩემს დედას გაეხარდებოდა და მუდამ მირჩევდა: "შვილო,დედამიწის ზურგზე არაფრის გამო არ გაიფუჭო შენი საქმე !"
არ ვიცი რას როგორ გავაფუჭებ,უცაბედად სხეულის ნაწილი მომეკვეთა!!! აქამდე ისევ პატარა გოგო ვყოფილვარ, ძალიან ცუდად ვარ......ვერ ვაზროვნებ.....
ღმერთო მაპატიე და შემიწყალე მე ცოდვილი
მასწავლე, როგორ ვიცოცხლო და ვიცხოვრო აწი უშენოდ დედა.
დღეს ჩემი სხეულის ნახევარი მოკვდა!!!", - წერს თამარ ივერი.
