წყალდიდობა გერმანიაში - დაღუპულია 58 ადამიანი
გერმანიაში წყალდიდობის შედეგად, სულ მცირე, 58 ადამიანი დაიღუპა, ათეულობით პირი კი, უგზო-უკვლოდ დაკარგულად ითვლება.
სტიქიური უბედურება ფედერალურ მიწებზე რაინლანდ-პფალცსა და ჩრდილოეთ რაინ - ვესტფალიაში ძლიერმა წვიმებმა გამოიწვია. გავრცელებული ინფორმაციით, ზოგიერთ რაიონებში ჩასვლა, განადგურებული საგზაო ინფრასტრუქტურის გამო, ჯერ კიდევ შეუძლებელია.
ჩრდილოეთ რაინ - ვესტფალიის მიწის ხუთ რაიონში, უხვი ნალექთან დაკავშირებით კაშხლის შესაძლო გასკდომის გამო, მოსახლეობის ევაკუაცია მიმდინარეობს. ქალაქ ტრირში მდინარის კალაპოტიდან გამოსვლის გამო, 350 ადამიანის ევაკუაცია განხორციელდა.