თურქეთში ხანძრების შედეგად დაღუპულთა და დაშავებულთა რიცხვი გაიზრდა
თურქეთში ტყის ხანძრების შედეგად დაღუპულთა და დაშავებულთა რიცხვი გაიზრდა. ქვეყნის ჯანდაცვის მინისტრის ინფორმაციით, სტიქიის შედეგად 8 ადამიანი დაიღუპა, 864 კი დაშავდა.
მანამდე ვრცელდებოდა 6 დაღუპულისა და 410 დაშავებულის შესახებ ინფორმაცია.
ოფიციალური პირების ცნობით, თურქეთში ტყის 107 ხანძარი უკვე ლიკვიდირებულია, ჯერჯერობით კი 5-ის ჩაქრობა ვერ ხერხდება.
ხანძარი საკურორტო ზონებს უახლოვდება, რის გამოც, ტურისტების ევაკუაციაც განხორციელდა.
ხანძარს ათასობით მეხანძრე ებრძვის, ჩართულია ტექნიკა და ავიაციაც.