"ჩვენს ჟურნალისტს გორში მიკროფონი მოპარეს" - ნიკა გვარამია მთავრობას მიმართავს
"მთავარი არხის" გენერალური დირექტორის, ნიკა გვარამიას ინფორმაციით, არხის ჟურნალისტს გორში მიკროფონი მოპარეს.
სოციალურ ქსელში გვარამია საქართველოს მთავრობას მიმართავს:
"ჩვენს ჟურნალისტს, გიორგი ახალკაცს, გორში მოპარეს მიკროფონი.
საქართველოს მთავრობა, კლეპტოკრატები რომ იყავით, ვიცოდით, მაგრამ ახლა მართლა ხო არ გააფრინეთ?!!!!!!!", - წერს გვარამია ფეისბუქზე.
შეგახსენებთ, რომ რამდენიმე დღის წინ, სენაკში, ვიცე-პრემიერმა, კულტურის მინისტრმა "მთავარი არხის" ჟურნალისტს მიკროფონი ძალით წაართვა და დღემდე არ დაუბრუნებია ის.
