ხმა მივეცი კოალიციურ მართვას, დემოკრატიის განვითარებასა და დასავლურ კურსს - ხაზარაძე
"ლელო საქართველოსთვის" თავმჯდომარემ, მამუკა ხაზარაძემ არჩევნებზე საკუთარი ხმა დააფიქსირა, მოსახლეობას კი არჩევნებში მონაწილეობისკენ მოუწოდა.
"დღეს ჩვენი ქვეყნისთვის უმნიშვნელოვანესი, ვიტყოდი ისტორიული დღეა. სწორედ ამიტომ, მე მოვუწოდებ საქართველოს თითოეულ მოქალაქეს, მოვიდეს არჩევნებზე და დააფიქსიროს საკუთარი არჩევანი. დღეს ყველას გვაქვს შანსი, რომ შევცვალოთ ჩვენი ქვეყნის მომავალი, თითოეული ადამიანის ცხოვრება და შევქმნათ პერსპექტივა ქვეყანაში. აქედან გამომდინარე, მე ხმა მივეცი ცვლილებას, კოალიციურ მართვას, დემოკრატიის განვითარებასა და დასავლურ კურსს," - განაცხადა მამუკა ხაზარაძემ.
