"ძალიან მომენატრა თბილისი" - მცხეთაში მყოფი მიხეილ სააკაშვილის ვიდეო ვრცელდება
საქართველოს მესამე პრეზიდენტის ოფიციალურ ფეისბუქგვერდზე ვიდეო ვრცელდება, სადაც ასახულია, რომ მიხეილ სააკაშვილი მცხეთაში იმყოფება.
"მოვიარე მთელი საქართველო, ახლა ვარ სვეტიცხოველთან და შევდივარ უკვე თბილისში...როგორ მომენატრა თბილისი", - აცხადებს ვიდეოში მიხეილ სააკაშვილი.
საქართველოს მესამე პრეზიდენტი თბილისში პირველ ოქტომბერს დააკავეს. მიხეილ სააკაშვილი დაკავების დღიდან შიმშილობს. მისი ჯანმრთელობის მდგომარეობა გაუარესებულია.
