პრემიერი ხვალ წლიურ ანგარიშს წარადგენს
საქართველოს პრემიერ-მინისტრი, ირაკლი ღარიბაშვილი ხვალ, 18 დეკემბერს საზოგადოებას წლიურ ანგარიშს წარუდგენს.
ირაკლი ღარიბაშვილი 2021 წლის განმავლობაში მთავრობის მიერ გაწეულ საქმიანობას შეაჯამებს, ასევე ისაუბრებს განხორციელებულ პროექტებსა და სამომავლო გეგმებზე.
პრემიერ-მინისტრის ანგარიშს მინისტრთა კაბინეტის წევრები, დეპუტატები და დიპლომატიური კორპუსის წარმომადგენლები დაესწრებიან.
ღონისძიება სასტუმრო "ბილტმორში" 11:00 საათზე დაიწყება.
