"ისეთი საშინელი გრიპი გადავიტანე... ტვინი ამიდუღა...კორონას მამაპაპურ შტამს ამის ნახევარზეც არ გავუწვალებივარ შარშან" - შოთა დიღმელაშვილი
სამოქალაქო აქტივისტი, შოთა დიღმელშვილი სოციალურ ქსელში წერს, რომ გრიპი გადაიტანა რთულ ფორმებში.
"რახან სამშვიდობოს გავედი, დავწერ კიდეც, ისეთი საშინელი გრიპი გადავიტანე, კორონა მერჩივნა. 39-ზე რო ჩამოდიოდა სიცხე, სიხარულით ფოიერვერკებს ვუშვებდი. ჰა-ჰა 38.5-მდე აგდებდა 400-იანი ნუროფენი ცოტა ხნით. ტვინი ამიდუღა, ყოველგვარი შუქის დანახვაზე თავი მისკდებოდა და ყველა გაფაჩუნების ექოები მესმოდა. ვერც მეძინა, ვერც მეღვიძა. ისიც გასათვალისწინებელია, რომ სპორტული ფორმის პიკში და ვიტამინების ოვერდოზში წამაქცია და კორონას მამაპაპურ შტამს ამის ნახევარზეც არ გავუწვალებივარ შარშან.
მოკლედ, ამ სეზონურ გრიპებზეც აიცერით აუცილებლად, არ დაიზაროთ", - წერს დიღმელაშვილი ფეისბუქზე.
