"ჩემი "დედიკო" აჩენდა და ყიდდა ბავშვებს... ბიზნესად ჰქონდაო. ხოდა, სად ვეძებო ახლა მე ჩემი დედმამიშვილები?!"
ფეისბუქჯგუფში "ვეძებ" მორიგი ემოციური ისტორია ვრცელდება, რომელიც ბავშვთა გაშვილებას ეხება.
"გამარჯობა, დაგიბრუნდით სიახლით. არ ვიცი, სიმართლეა, ტყუილია თუ საერთოდ რომელია სიმართლე და ტყუილი, მაგრამ ახალი ინფორმაცია მაქვს - თურმე ჩემი "დედიკო" აჩენდა და ყიდდა ბავშვებს. აი, ასე ამირდამირია ისტორია ერთმა ნაამბობმა. ბიზნესად ჰქონდაო. ხოდა, სად ვეძებო ახლა მე ჩემი დედმამიშვილები, რა ჯანდა ვქნა?!", - წერს სოციალური ქსელის მომხმარებელი.
