"ვენაცვალე ანტივაქსერებს. ეგენი არიან სიტყვის კაცები/ქალები - სთქუეს და აღასრულეს!" - ნინო თარხნიშვილი
ჟურნალისტი, ნინო თარხნიშვილი, საქართველოში ე.წ. მწვანე პასპორტის მოთხოვნის ვალდებულების გაუქმებას, სოციალურ ქსელში ეხმაურება:
"მადლობა მთავრობას პანდემიის ასეთი თანმიმდევრული მართვისთვის :დ
ვენაცვალე ანტივაქსერებს. ეგენი არიან სიტყვის კაცები/ქალები - სთქუეს და აღასრულეს.
განვმეორდები და იმედია, ამ ინფიცირებულების თვლასაც დავამთავრებთ და ვიქნებით ერთ-ერთი პირველი ქვეყანა, რომელიც პანდემიის პიკში პანდემიას დაასრულებს.
გილოცავთ! საქართველოში პანდემია დღე-დღეზე დასრულდება!
აქვე ჩავაკვეხებ, “ომიკრონი” აუცრელებისთვის სულაც არ აღმოჩნდა “უბრალო გაციება”. სხვათაშორის, ბევრი აცრილისთვისაც", - წერს თარხნიშვილი.
ცნობისთვის, საკოორდინაციო საბჭოს გადაწყვეტილებით, საქართველოში ე.წ. მწვანე პასპორტის მოთხოვნის ვალდებულება გაუქმდა.
