"გავდივართ წვრთნებს..." - რას წერს უკრაინიდან დომენიკ მანგო
სამოქალაქო აქტივისტი, დომენიკ მანგო, რომელიც უკრაინაში მოხალისედ წავიდა, სოციალურ ქსელში პოსტს აქვეყნებს:
"გავდივართ წვრთნებს, სწავლებებს. ყოველ წამს გვაქვს მოლოდინი მტრის შემოტევის. ირთვება საჰაერო განგაშები, ვართ ფორსმაჟორულ სიტუაციაში. ჩემს ცხობრებაში ყველაზე ბედნიერი მომენტები და წუთებია, ასეთი მშვიდი და მოსვენებული არასოდეს ვყოფილვარ. ინტერნეტში თითქმის ვერ შემოვდივარ, თუმცა ხვალიდან ვიწყებ ახალი ავტობუსების დაორგანიზების პროცესს, რადგან საქართველოდან ჩამოვიყვანო ჩვენთან მოხალისეები. ხვალიდან უკვე ონლაინ ვიქნები საორგანიზაციო პროცესში. მიყვარხართ!", - წერს მანგო.
