"რუსეთი დიდი და დაუმარცხებელი ქვეყანაა! და არც კი ეცადოთ მისი მთლიანობის დარღვევას" - კადიროვი
ჩეჩნეთის ლიდერი, რამზან კადიროვი მოსკოვში რუსეთის ფედერაციის პრეზიდენტის, ვლადიმერ პუტინის სიტყვით გამოსვლას გამოეხმაურა და აღნიშნა, რომ რუსეთი დიდი და დაუმარცხებელი ქვეყანაა.
"სრულად ვეთანხმები ვლადიმერ პუტინის თითოეულ სიტყვას. მიუხედავად ქვეყანაში შექმნილი რთული სიტუაციისა, უპრეცედენტოდ დიდი რაოდენობით დაწესებული სანქციებისა, რომელიც ჩვენს ძლევამოსილ ქვეყანას დაუწესეს, ჩვენი მრავალეროვანი ქვეყნის მცხოვრებლები აჩვენებენ ერთობის მაგალითს. ჩვენ ვერ და არ ვუღალატებთ იმ ფასეულობებს, რისთვისაც ჩვენი წინაპრები იბრძოდნენ. მიზანია ერთია - სამშობლოს დაცვა.
ნაციონალიზმმა და დაუფარავმა გენოციდმა „ლუგანსკისა და დონეცკის რესპუბლიკების“ მკვიდრთა წინააღმდეგ ამაზრზენი მასშტაბები შეიძინა. დონბასის მოძმე ხალხის დახმარების მიწოდებას ვლადიმერ პუტინი გამოეხმაურა. ეჭვგარეშეა, რომ თუ ჩვენ მიზნად დავისახავთ სისასტიკის დასრულებას, ვერაფერი გაგვაჩერებს.
დღეს პრეზიდენტმა პუტინმა მკაფიოდ თქვა - თუ ვინმე შეეცდება ჩვენს მიწაზე ჩვენს ხელყოფას, ის მკაცრ პასუხს მიიღებს. ასე იყო და ასე იქნება. უზომოდ ვამაყობ ჩემი ქვეყნით, ჩვენი მებრძოლებით და ჩვენი სამშობლოს თითოეული მკვიდრით! რუსეთი დიდი და დაუმარცხებელი ქვეყანაა! და არც კი ეცადოთ მისი მთლიანობის დარღვევას, პასუხი იქნება მყისიერი და მკაცრი“, - აცხადებს რამზან კადიროვი.
