"ლეხ კაჩინსკის ძეგლი უნდა იდგეს თბილისში და არა ბათუმში, სწორედ თბილისში ჩაიდინა მან გმირობა" - სააკაშვილი
საქართველოს მესამე პრეზიდენტი, მიხეილ სააკაშვილი სოციალურ ქსელში პოსტს ავრცელებს, სადაც წერს, რომ ლეხ კაჩინსკის ძეგლი უნდა იდგეს თბილისში და არა ბათუმში.
"ლეხ კაჩინსკის ძეგლი უნდა იდგეს თბილისში და არა ბათუმში. სწორედ თბილისში ჩაიდინა მან თავისი ჩამოსვლით გმირობა, თბილისში ჩამოსვლით გაწირა მან მოგვიანებით სმოლენსკში თავი.
ასევე, ღარიბაშვილის მხრიდან კაჩინსკის შექება ცინიზმის მწვერვალი იყო. ვინაიდან, მე მასამართლებენ მათ შორის კაჩინსკის დაკრძალვის ცერემონიალში მონაწილეობისთვის", - წერს მიხეილ სააკაშვილი.
