საერთაშორისო საზოგადოება გაზრდის რუსეთის პრეზიდენტზე წნეხს - ბორის ჯონსონი
გაერთიანებული სამეფოს პრემიერ-მინისტრის, ბორის ჯონსონის განცხადებით, რუსეთის პრეზიდენტმა, ვლადიმერ პუტინმა წითელი ხაზები გადაკვეთა და საერთაშორისო საზოგადოება გაზრდის მასზე წნეხს.
„შეგვიძლია ჩვენ მეტი გავაკეთოთ, რათა ხელი შევუშალოთ პუტინს მისი „ოქროს რეზერვების“ გამოყენებაში? რა შეგვიძლია გავაკეთოთ „სვიფტის" სანქცირებისთვის? ჩვენ უნდა გავაკეთოთ მეტი უკრაინელებისთვის სამხედრო დახმარების გასაწევად. დიდი რაღაც, რაც გამოვლინდა გასულ თვეს - უდიდესი ფაქტი, რომელიც მსოფლიომ ახლა იცის, არის ის, რომ უკრაინელი ხალხი იბრძოლებს მათი ქვეყნისთვის. მათ სჯერათ თავიანთი ქვეყნის, უყვართ თავიანთი ქვეყანა და აპირებენ მის დაცვას. ეს იყო რაღაც, რაც ჩვენ არ ვიცოდით ერთი თვის წინ და ახლა ეს აბსოლუტურად ცხადია. ამან შეცვალა გეოპოლიტიკა. ეს ნიშნავს, რომ ჩვენ გვაქვს ვალდებულება მათ დავეხმაროთ, გვაქვს ვალდებულება დავეხმაროთ მათ თავისა და საყვარელი ადამიანების დაცვაში", - განაცხადა ჯონსონმა.
