უკრაინაში დაღუპული, დავით გობეჯიშვილი თბილისში ჩამოასვენეს
თბილისის აეროპორტში უკრაინაში დაღუპული კიდევ ერთი ქართველი მებრძოლი, დავით გობეჯიშვილი ჩამოასვენეს.
ქართველი ჯარისკაცისთვის პატივის მისაგებად მისი ოჯახის წევრები, მეგობრები, უბრალო მოქალაქეები და პოლიტიკოსები შეიკრიბნენ.
"ქედს ვიხრი ამათი დედების წინაშე ჯერ, მერე ამ გმირების, რომლებმაც თავი შესწირეს არა მარტო უკრაინას, ჩვენ ქვეყანას. ღმერთო, ნურასდროს გამეორდება ეს დღე, ეს საათები, რომ აქ ასე იდგეს ვინმე, რომელიმე დედა", - თქვა ჯარისკაცის დედამ.
შეგახსენებთ, დავით გობეჯიშვილი 26 მარტს უკრაინის ქალაქ ირპენთან ბრძოლაში დაიღუპა.
