რუსმა ოკუპანტებმა ქართველი ჯარისკაცი გაიტაცეს
გორის მუნიციპალიტეტიდან რუსმა ოკუპანტებმა საქართველოს შეიარაღებული ძალების წარმომადგენელი გაიტაცეს.
"მთავარი არხის" ინფორმაციით, ლევან მაჩაბელი რუსმა ოკუპანტებმა გორის მუნიციპალიტეტის სოფელ ქერესთან აიყვანეს.
საკითხთან დაკავშირებით უკვე გაავრცელა განცხადება ე.წ. უშიშროების კომიტეტმა ცხინვალში, სადაც წერია, რომ სამხედრო პირი ოკუპირებულ ტერიტორიაზე პროვოკაციის მოწყობას გეგმავდა და არარსებული საზღვარი სწორედ ამ მიზნით გადაკვეთა.
