"ყველა შეთანხმება, რომელიც მიღწეულ იქნა EU-სთან "ქართული ოცნების" დამსახურებაა - პრემიერი
საქართველოს პრემიერ-მინისტრის, ირაკლი ღარიბაშვილის განცხადებით ყველა ურთიერთშეთანხმება, რომელიც მიღწეული იქნა ევროკავშირთან მმართველი პარტიის "ქართული ოცნების" დამსახურებაა.
"მე მინდა, კიდევ ერთხელ შევახსენო ჩვენს მოქალაქეებს, რომ ყველა ის სიკეთე, ყველა ის პროგრესი, რომელიც მიღწეულ იქნა ამ ბოლო წლების განმავლობაში ევროკავშირთან ურთიერთობაში, არის სწორედ ჩვენი ხელისუფლების, მმართველი პარტიის დამსახურება. დაწყებული ასოცირების შეთანხმების გაფორმებით, თავისუფალი ვაჭრობა, უვიზო რეჟიმი, ახლა უკვე ოფიციალური განაცხადი წევრობაზე, ეს ყველაფერი უკავშირდება ქართულ ოცნებას" - განაცხადა ირაკლი ღარიბაშვილმა.
