გაქვთ შანსი, ერთი ხელის მოსმით მოაგვაროთ ეს პრობლემა - მელია პრეზიდენტს სააკაშვილის შეწყალებისკენ მოუწოდებს
"ნაციონალური მოძრაობის" თავმჯდომარე, ნიკა მელია სალომე ზურაბიშვილს, მიხეილ სააკაშვილის შეწყალებისკენ მოუწოდებს. მელია მსჯავრდებული პრეზიდენტის საზღვარგარეთ სამკურნალოდ გადაყვანის მოთხოვნასაც აყენებს.
"ერთადერთი გამოსავალი, რომ მიხეილ სააკაშვილის სიცოცხლე გადარჩეს არის ქვეყნის გარეთ შესაბამის ჰოსპიტალში გადაყვანა.
ბოლო ბოლო ქალბატონ ზურაბიშვილსაც მივმართავ, თქვენ გაქვთ შანსი, რომ უზრუნველყოთ ქვეყნის სტაბილური, ევროატლანტიკური და ევროპული მომავალი. ერთი ხელის მოსმით ყველაზე იაფად შეფასებული და ღირებული კალმისტრით. თქვენ შეგიძლიათ ეს ძალიან მნიშვნელოვანი პრობლემა მოაგვაროთ," - განაცხადა მელიამ.
