რუსების მიერ დატყვევებული "აზოვის" მებრძოლები, შესძლოა, სიკვდილით დასაჯონ - რა ინფორმაცია ვრცელდება?
"აზოვსტალის" მეტალურგიული ქარხნიდან ოკუპანტი რუსების მიერ ტყვედ აყვანილი ჯარისკაცები, შესაძლოა, სიკვდილით დასაჯონ. ინფორმაციას ბრიტანული გამოცემა “გარდიანი“ ავრცელებს.
გამოცემა ეყრდნობა ე.წ. დონეცკის სახალხო რესპუბლიკის დე ფაქტო იუსტიციის მინისტრის, იური სიროვატკის განცხადებას, რომლის თქმითაც, სასამართლო მათთან დაკავშირებით განაჩენს გამოიტანს, თუმცა აცხადებს, რომ მსგავს დანაშაულებზე ე.წ. დონეცკის სახალხო რესპუბლიკაში სასჯელის უმაღლესი ზომა მოქმედებს.
“სასამართლო მათთან დაკავშირებით განაჩენს გამოიტანს. მსგავსი დანაშაულებისთვის ჩვენ სასჯელის უმაღლესი ფორმა გვაქვს დონეცკის სახალხო რესპუბლიკაში – სიკვდილით დასჯა.
ყველა ომის პატიმარი დონეცკის სახალხო რესპუბლიკის ტერიტორიაზე იმყოფება“, – განაცხადა იური სიროვატკიმ.
შეგახსენებთ, რომ რუსეთი უკრაინაში 24 თებერვალს შეიჭრა და ფართომასშტაბიანი ომი დაიწყო.
