"ძაღლისგან დაკბენილ ბავშვს თავის ქალა ჰქონდა ახდილი, ხელის ძვალი გადატეხილი და უამრავი ნაკერი" - რას წერს სოციალური ქსელის მომხმარებელი?
მიუსაფარი , ასევე შინაური ძაღლების პრობლემა აქტიურად განიხილება სოციალურ ქსელში. როგორც სოციალური ქსელის ერთ-ერთი მომხმარებელი წერს, პიტბულის ჯიშის ძაღლების ტარებისას უნდა დაწესდეს გარკვეული წესები.
სტატუსს დიდი გამოხმაურება მოჰყვა. აღნიშნული ჯიშის ძაღლი დაიცვა ერთ-ერთმა მომხმარებელმა, მას კი შემდეგი სახის პასუხი გასცეს:
"ავტვირთო სურათები თქვენმა უწყინარმა ძაღლმა როგორ შემიჭამა შარშან შვილი? საავადმყოფოში გაოგნდა ხალხი, თავის ქალა ჰქონდა ბავშვს ახდილი, ხელის ძვალი გადატეხილი 2 ადგილას და უამრავი ნაკერები. ადგილი არ ჰქონდა დარჩენილი, სადაც ნაკბენი არ ჰქონდა. გავუფრთხილდეთ ერთმანეთს", - წერს სოციალური ქსელის მომხმარებელი.
